नवी दिल्ली, वृत्तसेवा ।महाराष्ट्रातील राज्यसभा निवडणुकीसाठी भाजपने आपले अधिकृत उमेदवार जाहीर करत राजकीय वातावरणात चैतन्य निर्माण केले आहे. पक्षाने राष्ट्रीय सरचिटणीस विनोद तावडे आणि केंद्रीय मंत्री रामदास आठवले यांच्यासह एकूण चार नेत्यांना उमेदवारी दिली आहे.
जाहीर करण्यात आलेल्या यादीत माया चिंतामण इवनाते आणि रामराव कुडकुटे यांचाही समावेश आहे. या निवडीमुळे भाजपने सामाजिक व प्रादेशिक समतोल साधण्याचा प्रयत्न केल्याचे राजकीय वर्तुळात बोलले जात आहे.
राज्यसभा निवडणुकीच्या पार्श्वभूमीवर ही घोषणा महत्त्वाची मानली जात असून, आगामी राजकीय समीकरणांवर त्याचा परिणाम होण्याची शक्यता व्यक्त केली जात आहे. पक्षाकडून अधिकृत प्रचार लवकरच सुरू होणार असून, विरोधी पक्षांकडूनही रणनीती आखली जात आहे.
दरम्यान, या उमेदवारीमुळे राज्यातील राजकीय चर्चांना वेग आला असून, निवडणुकीत कोण बाजी मारणार याकडे सर्वांचे लक्ष लागले आहे.
