जळगाव लाईव्ह ट्रेंडस न्यूज प्रतिनिधी । जळगाव शहरातील आर.एल.चौफुलीवर भरधाव अज्ञात वाहनाच्या धडकेत ममुराबाद येथील तरूणाचा जागीच मृत्यू झाल्याची घटना १८ डिसेंबर रोजी सकाळी ८.३० वाजता घडली आहे. याप्रकरणी बुधवारी २५ डिसेंबर रोजी सायंकाळी ६.३० वाजता एमआयडीसी पोलीस ठाण्यात अज्ञात वाहनावरील चालकावर गुन्हा दाखल करण्यात आला आहे. विवेक विलास नारखेडे वय ३४ रा. ममुराबाद ता.जळगाव असे मयत झालेल्या तरूणाचे नाव आहे.
याबाबत अधिक माहिती अशी की, विवेक नारखेडे हा तरूण आपल्या परिवारासह जळगाव तालुक्यातील ममुराबाद गावात वास्तव्याला होता. दरम्यान, १८ डिसेंबर रोजी सकाळी ८.३० वाजेच्या सुमारास विवेक हा त्यांच्या दुचाकी क्रमांक एमएच १९ डीएच ३७३५ ने जळगावकडून जामनेरच्या दिशेने जात असतांना जळगाव शहरापासून जवळ असलेल्या आर.एल.चौफुलीजवळ समोरून येणाऱ्या अज्ञात वाहनाने जोरदार धडक दिली. या धडकेत विवेक नारखेडे यांचा जागीच मृत्यू झाला. तरूणाच्या मृत्यू झाल्यानंतर नातेवाईकांनी एकच आक्रोश केल्याचे दिसून आले. दरम्यान, याप्रकरणी शुभम नारखेडे यांनी दिलेल्या फिर्यादीवरून बुधवारी २५ डिसेंबर रोजी सायंकाळी ६.३० वाजता एमआयडीसी पोलीस ठाण्यात अज्ञात वाहनचालकावर गुन्हा दाखल करण्यात आला आहे. पुढील तपास पाहेकॉ रामदास कुंभार हे करीत आहे.
