जळगाव लाईव्ह ट्रेंडस न्यूज प्रतिनिधी । जळगाव शहरातील एकलव्य क्रीडा संकुलाजवळील रस्त्यावर भरधाव वेगाने येणाऱ्या दुचाकीने पुढे जाणाऱ्या दुचाकीला मागून जोरदार धडक दिल्याची घटना घडली आहे. याप्रकरणी मंगळवारी रामानंद नगर पोलीस ठाण्यात अज्ञात दुचाकीधारकावर गुन्हा दाखल करण्यात आला आहे.
सुनिल श्रीश्रीमाळ रा. सम्राट कॉलनी, जळगाव हे प्रौढ व्यक्ती परिवारासह वास्तव्याला आहे. २७ डिसेंबर रोजी सकाळी ११ वाजता ते त्यांच्या दुचाकी क्रमांक (एमएच १५ डीजी ७३२०) ने एकलव्य क्रीडा संकुलाकडून राष्ट्रीय महामार्गाकडे जात असतांना त्यांच्या मागुन येणाऱ्या दुचाकी क्रमांक (एमएच १५ जेटी ९३३९) ने जोरदार धडक दिली. या धडकेत सुनिल श्रीश्रीमाळ हे जखमी झाले. ही अपघात घडल्यानंतर अज्ञात दुचाकीस्वार पसार झाला. याप्रकरणी मंगळवारी ३१ डिसेंबर रोजी रात्री १० वाजता रामानंद नगर पोलीस ठाण्यात गुन्हा दाखल करण्यात आला आहे. पुढील तपास पोहेकॉ प्रशांत पाठक हे करीत आहे.
