जळगाव लाईव्ह ट्रेंडस न्यूज प्रतिनिधी । जळगाव शहरातील डी-मार्ट समोर दोन दुचाकीच्या झालेल्या अपघातात एका दुचाकीस्वार तरूणाला तीन जणांनी शिवीगाळ करत मारहाण करून गंभीर दुखापत केल्याची घटना शुक्रवारी १४ फेब्रुवारी रोजी दुपारी ३.३० वाजता घडली आहे. या संदर्भात शनिवारी १५ फेब्रुवारी रोजी दुपारी २ वाजता एमआयडीसी पोलीस ठाण्यात गुन्हा दाखल करण्यात आला.
मच्छिंद्र देवजी महाजन वय-36 रा. विखरण ता.एरंडोल हा तरुण शुक्रवारी १४ फेब्रुवारी रोजी दुपारी ३.३० वाजता दुचाकी क्रमांक (एमएच १९ डीएल ८३९६) ने जळगाव शहरात आले होते. दरम्यान जळगाव शहरातील डी-मार्ट समोर दुचाकीने जात असतांना त्याच्या पाठीमागून ऍक्टिवा क्रमांक (एमएच १९ एएक्स ६३४२) वरील तिघांनी धडक दिली. या धडकेत मच्छिंद्र महाजन हा जखमी झाला तसेच याचा जाब विचारला असता समरील दुचाकीवरील तीन जणांनी मच्छिंद्रला शिवीगाळ करत मारहाण केली. याप्रकरणी शनिवारी १५ रोजी दुपारी २ वाजता एमआयडीसी पोलीस ठाण्यात तक्रार देण्यात आले. त्यानुसार मारहाण करणारे तीन अनोळखी व्यक्तीने विरोधात एमआयडीसी पोलीस ठाण्यात गुन्हा दाखल करण्यात आला. या घटनेचा पुढील तपास पोलीस नाईक सुनील सोनार करीत आहे.
