मुक्ताईनगर लाईव्ह ट्रेंडस न्यूज प्रतिनिधी । मुक्ताईनगर तालुक्यातील टाकळी शिवारात एका शेतजमीनीच्या जुन्या वादातून चुलतभावाने एकाच्या मदतीने तरुणाचा अज्ञात हत्यारांनी वार करून खून केल्याची धक्कादायक घटना समोर आली आहे. या संदर्भात शनिवारी मुक्ताईनगर पोलीस ठाण्यात दोन जणांविरोधात गुन्हा दाखल करण्यात आला आहे. सुनील रामसिंग चव्हाण वय-३२, रा.टाकळी ता. मुक्ताईनगर असे मयत झालेल्या तरुणाचे नाव आहे.
याबाबत अधिक माहिती अशी की, सुनील चव्हाण हा आपल्या परिवारासह मुक्ताईनगर तालुक्यातील टाकळी गावात वास्तव्याला होता. शेती आणि मजुरीचे काम करून तो आपला उदरनिर्वाह करत होता. दरम्यान त्याचे चुलतभाऊ प्रवीण जगन चव्हाण यांसोबत सुनिल चव्हाण यांच्यासोबत शेत जमीनीचा जूना वाद होता. दरम्याला २५ मार्च रोजी सायंकाळीच्या सुमारास प्रवीण हा मित्रांसोबत जेवण करण्यासाठी दुचाकी क्रमांक (एमएच १९ एसी ४४७३) ने निघून गेला होता. दरम्यान त्यानंतर तो घरी परतला नाही. दुसऱ्या दिवशी २६ मार्च रोजी सकाळी ६ वाजता सुमारास सुनील चव्हाण याचे नातेवाईक रस्त्यावरून येत असताना टाकळी शिवारातील सुरेश चव्हाण यांच्या शेताजवळ सुनिल चव्हाण यांचा दुचाकीजवळ मृतदेह आढळून आला. यावेळी त्याच्या शरीरावर संशयास्पद जखमा असल्याने त्याचा खून करण्यात आला असा निष्कर्ष लावण्यात आला होता. दरम्यान, या घटनेबाबत मुक्ताईनगर पोलिसांनी घटनास्थळी दाखल होऊन मृतदेहाचा पंचनामा केला, यासंदर्भात मुक्ताईनगर पोलीस ठाण्यात मयत सुनील चव्हाण यांचा भाऊ संजय चव्हाण यांनी दिलेल्या फिर्यादीवरून संशयित आरोपी प्रवीण जगन चव्हाण आणि बाळू ममराज जाधव दोन्ही रा.टाकळी ता. मुक्ताईनगर यांच्या विरोधात खुनाचा गुन्हा दाखल करण्यात आला आहे. दरम्यान या गुन्ह्यातील एकाला अटक केल्याचे समजते. पुढील तपास सहाय्यक पोलीस निरीक्षक जयेश पाटील करीत आहे.
