जळगाव-लाईव्ह ट्रेंडस न्यूज प्रतिनिधी | भारतरत्न माजी पंतप्रधान स्व. श्रद्धेय अटल बिहारी वाजपेयी यांच्या जनशताब्दी वर्षानिमित्त जळगाव येथील भारतीय जनता पार्टी च्या ज्या ज्या जेष्ठ कार्यकर्त्यांना स्व. अटलजींचा सहवास लाभला अशा ज्येष्ठांचा शॉल, श्रीफळ देऊन सन्मान करण्यात आला.
सुरुवातीला स्व. श्रद्धेय अटल बिहारी वाजपेयी यांच्या प्रतिमेला पुष्प अर्पण तसेच पूजन करून कार्यक्रमाला सुरुवात झाली . त्यानंतर जळगावात अटलजींचा सहवास लाभलेले तत्कालीन नगरपालिकेचे नगराध्यक्ष परशुराम काशिनाथ उपाख्य मधू झारे, तत्कालीन उपनगराध्यक्ष गजानन पन्नालाल उपाख्य गजूशेठ जोशी, ॲड. प्रविणचंद्र जंगले, सुभाष शौचे, उदय भालेराव, यशवंत पटेल, विशाल त्रिपाठी , राजेंद्र मराठे, लीलाधर ठाकरे, ताराचंद पुरोहित , दीपक सूर्यवंशी, भागात बालानी,यांचा शाल, श्रीफळ आणि क्रांतिकारकांचे कुळपुरूष स्वातंत्र्यवीर सावरकर ही पुस्तिका देवून , मान्यवरांच्या हस्ते सन्मान करण्यात आला.
यावेळी खासदार स्मिताताई वाघ , आमदार सुरेश उर्फ राजू मामा भोळे , जिल्हाध्यक्ष हभप ज्ञानेश्वर महाराज जळकेकर, महानगर जिल्हाध्यक्ष उज्वला बेंडाळे, जिल्हा सरचिटणीस डॉ राधेश्याम चौधरी, महेश जोशी, अरविंद देशमुख, अमित भाटिया, प्रदेश महिला मोर्चाच्या चिटणीस रेखा वर्मा , महानगर अध्यक्ष भारती ताई सोनवणे , युवा मोर्चा प्रदेश उपाध्यक्ष भैरवी वाघ पलांडे यांसह भाजपा चे सर्व जिल्हा पदाधिकारी यात सर्व आघाड्यांचे अध्यक्ष , आजी माजी नगरसेवक युवा मोर्चा , महिला आघाडीचे कार्यकर्ते उपस्थित होते. सर्व सत्कारार्थींच्या अटलजींच्या समवेतच्या स्वर्णीम क्षणांची माहिती जेष्ठ कार्यकर्ते उदय भालेराव यांनी खुमासदार शैलीत दिली.
दरम्यान भाजपा कर्यालय जी एम फाऊंडेशन येथे भारतरत्न मा. पंतप्रधान स्व. श्रद्धेय अटल बिहारी वाजपेयी यांच्या जनशताब्दी वर्षानिमित्त त्यांचे जीवनावर आधारित चित्र प्रदर्शनी आणि कविता यांचे प्रदर्शन भरविण्यात आलेले असून , त्यास मान्यवरांनी भेट दिली
यावेळी सन्मानार्थी यांनी स्व. श्रद्धेय अटल बिहारी वाजपेयी यांचे सोबतचे आठवणी अनुभव कथन करत विविध पैलू उलगडून सांगितले . विशेष म्हणजे यावेळी सुभाष शौचे यांनी स्व. अटलजींच्या जळगावातील १९८४ सालातील भाषणाचे हुबेहूब सादरीकरण केल्याने उपस्थितांमध्ये एक उत्साह निर्माण केला . उपस्थितांनी साक्षात अटल जी भाषण करत आहेत असा अनुभव यावेळी घेतला. कार्यक्रमाचे सूत्रसंचालन डॉ राधेश्याम चौधरी यांनी तर आभार आमदार सुरेश राजू मामा भोळे यांनी मानले .
