भुसावळ-लाईव्ह ट्रेंडस न्यूज प्रतिनिधी । भुसावळ शहरातील ढाके गल्ली येथील ४२ वर्षीय महिलेला व तिच्या पतीला शिवीगाळ करत मारहाण केल्याची घटना घडली आहे. याप्रकरणी दुपारी ३ वाजता भुसावळ बाजारपेठ पोलीस ठाण्यात गुन्हा दाखल करण्यात आला आहे.
याबाबत अधिक असे की, भुसावळ शहरातील ढाके गल्लीत निलीमा किरण सरोदे वय ४२ या महिला आपल्या परिवारासह वास्तव्याला आहेत. गुरूवारी १९ सप्टेंबर रोजी सकाळी १० वाजता काहीही कारण नसतांना गल्लीत राहणारी मनिषा उर्फ संगिता संतोष फालक या महिलेने निलीमा सरोदे यांना व त्यांचे पती किरण सरोदे यांना शिवीगाळ करून चापटा बुक्क्यांनी मारहाण करून गंभीर दुखापत केली, याप्रकरणी निलीमा सरोदे यांनी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून मनिषा उर्फ संगीता संतोष फालक रा. ढाके गल्ली, भुसावळ यांच्या विरोधात गुन्हा दाखल करण्यात आला आहे. पुढील तपास पोहेकॉ सिमा चौधरी हे करीत आहे.
