जळगाव लाईव्ह ट्रेंडस न्यूज प्रतिनिधी । जळगाव शहरातील शेरा चौकात लोखंडी पत्रे ठवण्यास नकार दिल्याचा रागातून बापलेकाला दोन जणांनी शिवीगाळ करत लाकडी दांडका आणि लोखंडी टॉमीने मारहाण करून जीवेठार मारण्याची धमकी दिल्याचा प्रकार समोर आला आहे.
याप्रकरणी एमआयडीसी पोलीस ठाण्यात गुन्हा दाखल करण्यात आला. अधिक माहिती अशी की, सलमान शेख न्यामतुल्ला वय ३१ रा. शेरा चौक, जळगाव हे आपल्या परिवारासह वास्तव्याला आहेत. त्यांच्या घराजवळ राहणारे नासिर शेख वजीर आणि खालीक शेख नासिर दोन्ही राहणार बळीराम पेठ, जळगाव यांनी आणलेले लोखंडी पत्रे ठेवण्यासाठी सलमान शेख यांचे वडील बिस्मील्ला शेख हबीब यांनी नकार दिला होता. या रागातून नासिर शेख वजीर आणि खालीक शेख नासिर या दोघांनी लाकडी दांडका आणि लोखंडी टॉमीने मारहाण केल्याने सलमान शेख न्यामतुल्ला आणि बिस्मील्ला शेख हबीब हे बापलेक गंभीर जखमी झाल्याची घटना सोमवारी २८ ऑक्टोबर रोजी दुपारी ४.३० वाजता घडली आहे.
याप्रकरणी एमआयडीसी पोलीस ठाण्यात संशयित आरोपी नासिर शेख वजीर आणि खालीक शेख नासिर दोन्ही रा. बळीराम पेठ, जळगाव या दोघांवर गुन्हा दाखल करण्यात आला. पुढील तपास पोलीस नाईक पंकज पाटील हे करीत आहे.
