धरणगाव-लाईव्ह ट्रेंड्स न्युज प्रतिनिधी। धरणगाव तालुक्यातील पिंपळे सिम गावात दारूच्या नशेत येऊन दांपत्याला शिवीगाळ करत मारहाण केल्याची घटना घडली आहे. याप्रकरणी गुरुवारी १६ मे रोजी दुपारी ४ वाजता धरणगाव पोलीस ठाण्यात ८ जणांविरोधात गुन्हा दाखल करण्यात आला आहे.
याबाबत अधिक माहिती अशी की, धरणगाव तालुक्यातील पिंपळे सिम गावात कैलास पंडित वाघ वय-५२, हे आपल्या पत्नी रत्‍नाबाई कैलास वाघ यांच्यासह वास्तव्याला आहे. रविवार १२ मे रोजी दुपारी १२.३० वाजता कैलास वाघ हे घरासमोर उभे होते. त्यावेळी गावात राहणारा कैलास गुलाब सोनवणे हा दारूच्या नशेत येऊन कैलास वाघ यांना शिवीगाळ करून मारहाण करू लागला. त्यावेळी पतीला मारहाण करत असल्याचे पाहून रत्‍नाबाई वाघ यांनी आवरण्यासाठी गेल्या. याचा राग आल्याने कैलास गुलाब सोनवणे, सचिन कैलास सोनवणे, जगन दामू भिल, धनराज जगन भिल, अजय जगन भिल, टिनूबाई कैलास भिल, मंगलाबाई कैलास भिल, मंगलाबाई जगन सोनवणे सर्व रा. पिंपळे सिम ता. धरणगाव यांनी दांपत्याला शिवीगाळ करत लाथाबुक्क्यांनी बेदम मारहाण केली. दरम्यान ही घटना घडल्यानंतर रत्‍नाबाई वाघ यांनी गुरुवारी १६ मे रोजी दुपारी ४ वाजता धरणगाव पोलिसात धाव घेऊन तक्रार दिली.
दिलेल्या तक्रारीवरून मारहाण करणारे कैलास गुलाब सोनवणे, सचिन कैलास सोनवणे, जगन दामू भिल, धनराज जगन भिल, अजय जगन भिल, टिनूबाई कैलास भिल, मंगलाबाई कैलास भिल, मंगलाबाई जगन सोनवणे सर्व रा. पिंपळे सिम ता. धरणगाव यांच्या विरोधात पोलिसात गुन्हा दाखल करण्यात आला आहे. पुढील तपास पोलीस हेडकॉन्स्टेबल राजू पाटील हे करीत आहे.
