जळगाव-लाइव्ह ट्रेंडस न्यूज प्रतिनिधी । साकेगाव येथील बालाजी पेट्रोल पंपासमोर एका अज्ञात वाहनाच्या धडकेत अनोळखी अंदोज ३५ वर्षीय तरुणाचा जागेवरच मृत्यू झाल्याची घटना घडली आहे. याबाबत पोलीस ठाण्यात अकस्मात मृत्यूची नोंद करण्यात आली आहे.
भुसावळ तालुक्यातील साकेगाव येथील बालाजी पेट्रोल पंपाच्या समोरील राष्ट्रीय महामार्गावरून रविवारी १ डिसेंबर रोजी रात्री १० वाजता पायी जात असलेल्या अनोळखी ३५ वर्षीय तरुण याला भरधाव वेगाने येणाऱ्या अज्ञात वाहनाने जोरदार धडक दिल्याने त्याचा जागेवरच मृत्यू झाला. दरम्यान खाजगी वाहनातून त्याला जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी त्यांना मयत घोषित केले. दरम्यान मयताची ओळख पटवावी असे आवाहन जिल्हा पेठ पोलिसांनी केले आहे. याबाबत जिल्हा पेठ पोलीस ठाण्यात अकस्मात मृत्यूची नोंद करण्यात आली आहे.
