मुंबई-लाईव्ह ट्रेंडस न्यूज वृत्तसेवा | रस्ते वाहतूक आणि महामार्ग मंत्रालयाने प्रकाशित केलेल्या “भारतातील रस्ते अपघात 2022” या वार्षिक अहवालातून देशातील रस्ते सुरक्षेचे भीषण वास्तव समोर आले आहे. या अहवालानुसार, 2022 मध्ये दररोज सरासरी १,२६४ रस्ते अपघात घडले असून, यामध्ये दररोज किमान ४६२ जणांचा मृत्यू झाला आहे.
अहवालानुसार, अपघातांमध्ये मृत्यूमुखी पडलेल्या व्यक्तींमध्ये २५ ते ३५ वयोगटातील तरुणांचा सर्वाधिक सहभाग आहे. 2022 मध्ये या वयोगटातील किमान ४२,६७१ जणांनी अपघातांमध्ये प्राण गमावले. यामुळे देशातील तरुणांचे रस्ते अपघातांमध्ये वाढते बळी घेणारे प्रमाण गंभीर चिंतेचा विषय बनले आहे.
रस्ते अपघातांची संख्या जास्त असलेल्या इतर राज्यांमध्ये मध्य प्रदेश (५४,४३२), केरळ (४३,९१०) आणि उत्तर प्रदेश (४१,७४६) यांचा समावेश आहे. उत्तर प्रदेशनंतर, रस्ते अपघातात सर्वाधिक मृत्यू तामिळनाडूमध्ये झाले आहेत ज्यात १७,८८४ जणांच्या मृत्यूंचा समावेश आहे. त्यानंतर महाराष्ट्रात १५,२२४ जणांचे मृत्यू झाले आहेत, तर मध्य प्रदेशात १३,४२७ मृत्यू झाले आहेत.
अधिकृत आकडेवारीनुसार, २०२२ मध्ये रस्ते अपघातांमुळे मृत्युमुखी पडलेल्यांची १८ वर्षांपेक्षा कमी वयाच्या लोकांची एकूण संख्या ९,५२८ होती, जी २०२१ मध्ये ७,७६४ होती. २०२२ मध्ये ६० वर्षे आणि त्याहून अधिक वयाच्या एकूण १३,६३६ जणांचे अपघाती निधन झाले होते, तर २०२१ मध्ये हीच संख्या ११,७३९ इतकी होती. लक्षद्वीपमध्ये २०२२ मध्ये सर्वात कमी ३ अपघात झाले होते, तर मृत्यूमुखी पडलेल्यांची संख्या दोन अशी होती. रस्ते वाहतूक आणि महामार्ग मंत्रालयाने प्रकाशित केलेल्या एका अहवालात वेग, बेपर्वा वाहन चालवणे, मद्यपान करून वाहन चालवणे आणि वाहतूक कायद्यांचे पालन न करणे यासारखी कारणे अपघातांचे मूळ कारण असल्याचे म्हटले आहे.
