जळगाव-लाईव्ह ट्रेंडस न्यूज प्रतिनिधी । जळगाव शहरातील अयोध्या नगरातील लिला पार्क येथील घरासमोर मनिष सचिन महाजन हा आठ वर्षाचा मुलगा हा खेळत असतांना भरधाव वेगाने येणाऱ्या अज्ञात दुचाकीने त्याला धडक देवून जखमी केल्याची घटना बुधवार १२ जून रोजी रात्री ८.३० वाजता घडली आहे. याप्रकरणी शनिवारी १५ जून रोजी सायंकाळी ७ वाजता एमआयडीसी पोलीस ठाण्यात अज्ञात दुचाकीस्वारावर गुन्हा दाखल करण्यात आला आहे.
पोलीसांनी दिलेली माहिती अशी की, जळगाव शहरातील अयोध्या नगरातील लिला पार्क येथील घरासमोर बुधवार १२ जून रोजी रात्री ८.३० वाजता मनिष सचिन महाजन हा ८ वर्षाचा चिमुकला खेळत होता. त्यावेळी भरधाव वेगाने येणारी दुचाकीने त्याला धडक दिली. या घडकेत मनिषच्या डोक्याला, हाताला व पायाला गंभीर दुखापत झाली. त्याला तातडीने जळगाव येथील खासगी रूग्णालयात दाखल करण्यात आले. त्याच्यावर उपचार घेतल्यानंतर त्याचे वडील सचिन रमेश महाजन यांनी शनिवारी १५ जून रोजी सायंकाळी ७ वाजता एमआयडीसी पोलीसात तक्रार दिली. त्यांनी दिलेल्या तक्रारीवरून अज्ञात दुचाकीस्वारावर पोलीसात गुन्हा दाखल करण्यात आला. पुढील तपास पोहेकॉ दत्तात्रय बडगुजर हे करीत आहे.
