भुसावळ – लाईव्ह ट्रेंड्स न्यूज प्रतिनिधी |तालुक्यातील जुने लिंबू मार्केट परिसरात हातात लोखंडी सुरा घेऊन दहशत निर्माण करणाऱ्या तरुणावर भुसावळ बाजारपेठ पोलिसांनी कारवाई केली आहे. याप्रकरणी भुसावळ बाजारपेठ पोलीस ठाण्यात तरुणावर गुन्हा दाखल करण्यात आला आहे. शेख समीर शेख सलीम वय-२१ रा. पंचशील नगर भुसावळ असे संशयित आरोपीचे नाव आहे.
याबाबत अधिक माहिती अशी की, भुसावळ शहरातील जुने लिंबू मार्केट परिसरात संशयित आरोपी शेख समीर शेख सलीम हातात लोखंडी सुरा घेऊन दहशत निर्माण करत असल्याची गोपनीय माहिती बाजारपेठ पोलीस ठाण्याचे पोलीस निरीक्षक गजानन पडघन यांना मिळाली. त्यानुसार त्यांनी पथकाला कारवाई करण्याच्या सूचना दिल्या. त्यानुसार रविवारी २ जून रोजी रात्री ११ वाजता पोलिसांनी कारवाई करत संशयित आरोपी शेख समीर शेख सालीम याच्यावर कारवाई केली. त्याच्याकडून लोखंडी सुरा हस्तगत केला. याप्रकरणी पोलीस कॉन्स्टेबल सचिन चौधरी यांनी दिलेल्या फिर्यादीवरून सोमवारी ३ जून रोजी मध्यरात्री १ वाजता भुसावळ बाजारपेठ पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस हेड कॉन्स्टेबल रमण सुरळाकर हे करीत आहे.
