अमळनेर लाईव्ह ट्रेंडस न्यूज प्रतिनिधी । अमळनेर तालुक्यातील बोहरा गावाजवळ पायी जात असलेल्या एका तरुणाला चारचाकी वाहनाने पाठीमागून धडक दिल्याने गंभीर जखमी झाल्याची घटना बुधवारी २६ फेब्रुवारी रोजी दुपारी १२.३० वाजता घडली आहे. या संदर्भात गुरुवारी २७ फेब्रुवारी रोजी रात्री १० वाजता मारवड पोलीस ठाण्यात कारवरील चालकावर गुन्हा दाखल करण्यात आला आहे.
अमळनेर तालुक्यातील बोहरा गावाजवळील रस्त्याने संजय रमेश भिल रा. बोहरा ता.अमळनेर हा तरुण बुधवारी २६ फेब्रुवारी रोजी दुपारी १२.३० वाजता गावाकडून मारवाड रस्त्याने पायी जात असताना मागून येणारी कार क्रमांक (एमएच ४७ एएन ५६७१) यांनी जोरदार धडक दिली. या धडकेत संजय भिल हा गंभीर जखमी झाला. त्याला अमळनेर येथील ग्रामीण रूग्णालयात उपचारासाठी दाखल करण्यात आले. या संदर्भात त्याचा भाऊ रमेश भिल याने गुरुवारी २७ फेब्रुवारी रोजी रात्री १० वाजता मारवड पोलिसात फिर्यादी दिली. त्यानुसार कारवरील चालक सुधीर विश्वासराव पाटील रा.बोहरा ता.अमळनेर यांच्या विरोधात गुन्हा दाखल करण्यात आला आहे. या घटनेचा पुढील तपास पोलीस कॉन्स्टेबल संजय पाटील करीत आहे.
