जळगाव-लाईव्ह ट्रेंडस न्यूज प्रतिनिधी । जळगाव शहरातील शिरसोली नाका येथील रूबी अपार्टमेंट येथील महिलेसह तिच्या आईला काहीही कारण नसतांना दोन जणांनी लाकडी दांडक्याने बेदम मारहाण करून गंभीर दुखापत केल्याची घटना शनिवारी १० ऑगस्ट रोजी रात्री १० वाजता घडली होती. याप्रकरणी सोमवारी १२ ऑगस्ट रोजी मध्यरात्री १ वाजता एमआयडीसी पोलीस ठाण्यात दोन जणांविरोधात गुन्हा दाखल करण्यात आला आहे.
याबाबत अधिक माहिती अशी की, जळगाव शहरातील शिरसोली नाक्याजवळील रूबी अपार्टमेंट येथे शाहीन अजीज पटेल (वय ४२) या महिला त्यांच्या आई फातिमा अजीज पाटील यांच्यासोबत वास्तव्याला आहे. शनिवारी १० ऑगस्ट रोजी रात्री १० वाजता काहीही कारण नसतांना नदीम हाफिज पटेल रा. इंदीरा नगर, भादली आणि अजमल मिर्झा रा. रूबी अपार्टमेंट, शिरसोली नाका यांनी लाकडी दांडक्याने शहीन पटेल व त्यांची आई फातीमा अजिज पटेल यांना बेदम मारहाण करत दुखापत केली. याप्रकरणी सोमवारी १२ ऑगस्ट रोजी मध्यरात्री १ वाजता शाहीन अजीज पटेल यांनी एमआयडीसी पोलिस ठाण्यात फिर्याद दिली. त्यावरून नदीम हाफिज पटेल रा. इंदीरा नगर, भादली आणि अजमल मिर्झा रा. रूबी अपार्टमेंट, शिरसोली नाका या दोघांविरुद्ध गुन्हा दाखल करण्यात आला आहे. पुढील तपास पोहेकॉ रामकृष्ण पाटील करीत आहेत.
