जळगाव लाईव्ह ट्रेंडस न्यूज प्रतिनिधी । जळगाव शहरातील ला.ना.शाळेच्या जवळील एसबीआय बँकेजवळ काहीही कारण नसतांना एका १६ वर्षीय मुलाला जैनाबाद येथील ३ जणांनी शिवीगाळ करत लाथाबुक्क्यांनी बेदम मारहाण करून धारदार वस्तूने वार करत गंभीर जखमी झाल्याची घटना सोमवारी ३० डिसेंबर रोजी दुपारी सव्वा तीन वाजेच्या सुमारास घडली आहे. याप्रकरणी रात्री ८ वाजता जिल्हापेठ पोलीस ठाण्यात गुन्हा दाखल करण्यात आला आहे.
ललीत भरत सावळे वय १६ रा. कांचन नगर, जळगाव हा मुलगा आपल्या परिवारासह वास्तव्याला आहे. दरम्यान, सोमवारी ३० डिसेंबर रोजी दुपारी सव्वा तीन वाजेच्या सुमारास ललीत हा शहरातील ला.ना.शाळेजवळील एसबीआय बँकेजवळ उभा असतांना जैनाबाद येथे राहणारा कुणाल तायडे आणि त्यांच्या सोबत असलेल्या दोन अनोळखी व्यक्ती यांनी ललीतला काहीही कारण नसतांना शिवीगाळ करत मारहाण केली. तसेच धारदार वस्तूने वार करून डोक्याला दुखापत केली आहे. याप्रकरणी रात्री ८ वाजता जिल्हापेठ पोलीस ठाण्यात फिर्याद दिली. त्याने दिलेल्या तक्रारीवरून जिल्हापेठ पोलीस ठाण्यात गुन्हा दाखल करण्यात आला आहे. पुढील तपास पोलीस नाईक संतोष सोनवणे हे करीत आहे.
