जळगाव लाईव्ह ट्रेंडस न्यूज प्रतिनिधी । जळगाव शहरातील कानळदा रोडवरील लक्ष्मी नगर येथे काहीही कारण नसतांना एकातरूणाला शिवीगाळ करत डोक्यात काचेची बाटली टाकून जखमी केल्याची घटना मंगळवारी ९ डिसेंबर रोजी रात्री ८.३० वाजेच्या सुमारास घडली आहे. याबाबत बुधवारी १० डिसेंबर रोजी रात्री ११ वाजता जळगाव तालुका पोलीस ठाण्यात एकावर गुन्हा दाखल करण्यात आला आहे.
वैभव रविंद्र जैस्वाल वय २१ रा. लक्ष्मी नगर, जळगाव हा तरूण आपल्या कुटुंबियांसह वास्तव्याला आहे. दरम्यान मंगळवारी ९ डिसेंबर रोजी रात्री ८. ३० वाजेच्या सुमारास त्यांच्या घराजवळील कानळदा रोडवर उभा असतांना संशयित आरोपी तनवीर उर्फ तान्या शेख रहीम रा. गेंदालाल मिल, जळगाव याने काहीही कारण नसतांना वैभव याला शिवीगाळ केली. त्यानंतर त्यांच्या हातातील काचेची बाटली ही वैभवच्या डोक्यात टाकून जखमी केले. जखमी झालेल्या तरूणावर रूग्णालयात उपचार घेण्यात आले. त्यानंतर त्यांनी शहर पोलीस ठाण्यात धाव घेवून फिर्याद दिली. त्यानंतर बुधवारी १० डिसेंबर रोजी रात्री ११ वाजता जळगाव शहर पोलीस ठाण्यात गुन्हा दाखल करण्यात आला आहे. पुढील तपास पोहेकॉ प्रकाश वाघ हे करीत आहे.
