फैजपूर ता. यावल (प्रतिनिधी)। श्री स्वामीनारायण माध्यमिक विद्यालयाचा निकाल १०० टक्के लागला असून विद्यार्थ्यांनी घवघवित यश संपादन केले आहे.
दहावी शालांत परीक्षेत पार्थ विजय पाटील ९६.४०टक्के गुण संपादन करून शाळेतून प्रथम, दिव्या विष्णू महाजन ९४.८० टक्के गुण प्राप्त करून द्वितीय, ऊर्वशी घन:श्याम पाटील ९४.२० टक्के गुण प्राप्त करून तृतीय, खुशबू जितेंद्र नारखेडे ९३.८० टक्के चतुर्थ तर कुबेर नितीन महाजन ९३.६० गुण मिळवून पाचवा क्रमांक प्राप्त करून यश मिळाले आहे. ९० टक्केपेक्षा जास्त मार्क मिळवणारे एकूण १२ विद्यार्थी आहेत. संस्थेचे अध्यक्ष प.पू.स.गु. शास्त्री श्री भक्तिप्रकाश दासजी, उपाध्यक्ष खान्देश रत्न शास्त्री भक्तिकिशोर दासजी, खनिजदार शास्त्री श्री भक्तिस्वरुपदासजी, संचालक पी.डी. पाटील व प्राचार्य संजय वाघुळदे तसेच सर्व शिक्षक व शिक्षकेतर कर्मचारी यांनी या उत्तीर्ण यशवंत विद्यार्थ्यांचे अभिनंदन व कौतुक केले आहे.
