जळगाव -लाईव्ह ट्रेंडस न्यूज प्रतिनिधी । येथे सी.ए. विद्यार्थी शाखेच्या वतीने 28 सप्टेंबर रोजी ICAI भवन, “पर्सनल ब्रँडिंग” या विषयावर विशेष सत्राचे आयोजन करण्यात आले. या सत्रासाठी कॉर्पोरेट कोच, पॉडकास्टर व आर्किटेक्ट स्नेहा टाओरी यांना आमंत्रित करण्यात आले होते. त्यांनी विद्यार्थ्यांना आजच्या वित्तीय आणि व्यवसायिक क्षेत्रातील आव्हानांना सामोरे जाण्यासाठी आवश्यक अशा पर्सनल ब्रँडिंगच्या तत्त्वांवर सखोल मार्गदर्शन केले.
सत्रादरम्यान त्यांनी खालील महत्त्वाच्या मुद्द्यांवर प्रकाश टाकला. यात पर्सनल ब्रँडिंगची पायाभरणी कशी करावी, नेटवर्क मास्टरी व योग्य संपर्कजाळे निर्माण करण्याचे तंत्र याबाबत माहिती देण्यात आली. तसेच स्वतःचे व आपल्या प्रॅक्टिसचे प्रभावी मार्केटिंग, कॉर्पोरेट व्यक्तिमत्व व प्रोफेशनल शिष्टाचाराचे महत्त्व स्पष्ट करण्यात आले.
स्नेहा टाओरी यांनी ठोस उदाहरणे, केस स्टडीज आणि इंटरॅक्टिव्ह चर्चेद्वारे विषय विद्यार्थ्यांसाठी अत्यंत सोप्या आणि प्रभावी पद्धतीने मांडला. उपस्थित विद्यार्थ्यांनी विविध प्रश्न विचारून चर्चेत सहभाग घेतला व प्रत्यक्ष जीवनात उपयुक्त ठरतील असे अनेक मार्गदर्शनपर सल्ले मिळवले. विद्यार्थ्यांना केवळ व्यावसायिकतेपुरते मर्यादित न राहता, स्वतःचे वेगळे व्यक्तिमत्व उभारून “संस्मरणीय व्यावसायिक” व्हावे असे मार्गदर्शन केले.
यावेळी जळगाव सी.ए. विद्यार्थी शाखेचे अध्यक्ष सी.ए. रोशन रुणवाल, उपाध्यक्षा पूजा सिंधी, सेक्रेटरी जयेश लोकचन्दानी, खजिनदार अवंतिका नेमाडे, सदस्य अनिश कुकरेजा तसेच सी.ए. विद्यार्थी मोठ्या संख्येने उपस्थित होते.
सदर कार्यक्रमाच्या यशस्वीतेसाठी जळगाव सी.ए. विद्यार्थी शाखेचे पदाधिकारी व सदस्यांनी विशेष परिश्रम घेतले. सर्व विद्यार्थ्यांचा उत्स्फूर्त सहभाग लक्षणीय ठरला. या चर्चासत्राचे सूत्रसंचालन शर्वरी पाटील व पूजा सिंधी यांनी आभार मानले.
