सावदा-लाईव्ह ट्रेंडस न्यूज प्रतिनिधी । ऑल इंडिया पँथर सेनेच्या जिल्हा कार्यकारिणीची महत्त्वपूर्ण आढावा बैठक शनिवार, १० ऑगस्ट २०२५ रोजी मुक्ताईनगर येथे यशस्वीरित्या पार पडली. संघटनेचे प्रांतीय नेते दीपकभाई केदार यांच्या नेतृत्वाखाली आणि जिल्हाध्यक्ष रोहन मेढे यांच्या मार्गदर्शनाखाली झालेल्या या बैठकीत आगामी स्थानिक स्वराज्य निवडणुका (जिल्हा परिषद, पंचायत समिती, नगरपरिषदा) संघटनेच्या वतीने लढवण्याचा विश्वास कार्यकर्त्यांनी व्यक्त केला.
या बैठकीत संघटनेच्या भविष्यातील दिशा, सामाजिक विषयांवरील धोरणात्मक भूमिका, नव्या कार्यकर्त्यांचा सहभाग आणि संघटनात्मक बळकटीकरण यावर सखोल चर्चा करण्यात आली. कार्यकर्त्यांनी आपापली मते मांडत पुढील वाटचालीस सकारात्मक ऊर्जा दिली.
या बैठकीला युवा जिल्हाध्यक्ष लखन पानपाटील, आदित्य गजरे, शेख अब्रार, संदीप सुरडकर, श्रावण भालेराव, जितू इंगळे, सागर बावस्कर, सम्राट बोदडे, संघपाल कोंगे, जयेश दादा, ईश्वर कोचुरे, मंगल भालेराव, अमन भालेराव, सारंग शिरतुरे, प्रथमेश भास्कर, बंटी गुरचळ, ॲड. शैलेश वानखेडे, मयूर रामटेडे, अजय शेलार आणि भारत बारेला यांसह अनेक मान्यवर उपस्थित होते.
बैठकीदरम्यान संघटनेची एकसंघता, सामाजिक न्याय आणि दलित-शोषित वंचित घटकांच्या हक्कासाठी लढण्याच्या निर्धारावर विशेष भर देण्यात आला. जिल्हाध्यक्ष रोहन मेढे यांनी दीपकभाई केदार यांच्या प्रेरणादायी नेतृत्वाचे कौतुक करत, त्यांचे मार्गदर्शन ही संघटनेची ताकद असल्याचे म्हटले.
मुक्ताईनगर येथे पार पडलेली ही बैठक कार्यकर्त्यांमध्ये नवचैतन्य निर्माण करणारी ठरली. लवकरच विविध सामाजिक उपक्रम राबविण्यात येणार असल्याचे संकेतही बैठकीदरम्यान देण्यात आले. यामुळे समाजात सकारात्मक बदल घडवण्याच्या दिशेने पँथर सेना आणखी सक्रिय होणार असल्याचे दिसते.
