मुंबई-लाईव्ह ट्रेंडस न्यूज वृत्तसेवा | शिवसेना ठाकरे गटाचे प्रमुख उद्धव ठाकरे यांनी आज मुंबईतील सिल्व्हर ओक बंगल्यावर राष्ट्रवादी काँग्रेसचे अध्यक्ष शरद पवार यांची भेट घेतली. या बैठकीत दोन्ही नेत्यांमध्ये साधारण दीड तास चर्चा झाली. शिवसेना खासदार संजय राऊत आणि आमदार आदित्य ठाकरे देखील या बैठकीस उपस्थित होते.
शरद पवार आणि उद्धव ठाकरे यांच्या आजच्या भेटीत साधारणपणे दीड तास चर्चा झाली. शिवसेना खासदार संजय राऊत व आमदार आदित्य ठाकरे हेही या बैठकीला उपस्थित होते. ही बैठक आटोपून उद्धव ठाकरे मातोश्रीकडे निघाले. या बैठकीत महाविकास आघाडीच्या पुढील रणनीती संदर्भात दोन्ही नेत्यांमध्ये चर्चा झाल्याची माहिती आहे. तसेच, 25 जानेवारी रोजी संतोष देशमुख आणि सोमनाथ सूर्यवंशी यांच्या हत्या प्रकरणामध्ये दोषींला कडक शिक्षा व्हावी यासाठी मुंबईत जन आक्रोश मोर्चा काढण्यात येणार आहे. या जन आक्रोश मोर्चा संदर्भात महाविकास आघाडीची नेमकी भूमिका काय असणार? याबाबत देखील बैठकीत चर्चा झाल्याची माहिती आहे.
उद्धव ठाकरे आणि शरद पवार यांची ही चर्चा महाविकास आघाडीतील समन्वय टिकवण्याच्या दृष्टीने महत्त्वपूर्ण मानली जात आहे. शिवसेना, राष्ट्रवादी, आणि काँग्रेस या पक्षांमधील संवाद आघाडीच्या आगामी रणनीतीवर परिणाम करू शकतो. दरम्यान, जनआक्रोश मोर्चा आणि निवडणूक प्रक्रियेतील घडामोडींवर आघाडीचा दृष्टिकोन ठरणार आहे. यापुढे महाविकास आघाडीची रणनीती कशी असेल आणि सत्ताधारी भाजप-शिवसेना युतीला कसे आव्हान दिले जाईल, हे पाहणे महत्त्वाचे ठरणार आहे.
