जळगाव-लाईव्ह ट्रेंडस न्यूज प्रतिनिधी । जळगाव तालुक्यातील कुसुंबा शिवारातील गजानन पार्क येथे घरातील सदस्यांची बदनामी करत असल्याच्या संशयावरून एका तरूणावर धारदार वस्तूने वार करून गंभीर जखमी केल्याची धक्कादायक घटना १६ जानेवारी रोजी दुपारी साडेचार वाजता घडली आहे. याप्रकरणी रात्री ९ वाजता एमआयडीसी पोलीस ठाण्यात एकावर गुन्हा दाखल करण्यात आला आहे.
मिळालेली माहिती अशी की, जळगाव तालुक्यातील कुसुंबा येथे शत्रृघ्न त्र्यंबक तायडे वय ४० हा तरूण आपल्या परिवारासह वास्तव्याला आहे. दरम्यान शत्रृघ्न तायडे हा तरूण घरातील सदस्यांची गावात बदनामी करत असल्याचा संशयावरून गावातील राज भास्कर कोळी याने गुरूवारी १६ जानेवारी रोजी दुपारी साडेचार वाजता राज कोळी याला शिवीगाळ व मारहाण केली. त्यानंतर त्याने त्याच्याजवळ असलेला धारदार वस्तूने शत्रृघ्न यांच्यावर वार करून जखमी केले. ही घटना घडल्यानंतर त्यांनी एमआयडीसी पोलीस ठाण्यात धाव घेवून तक्रार दिली. त्यानुसार रात्री ९ वाजता राज भास्कर कोळी रा. कुसुंबा ता. जळगाव याच्या विरोधात गुन्हा दाखल करण्यात आला आहे. पुढील तपास पोहेकॉ गफूर तडवी हे करीत आहे.
