पाचोरा-लाईव्ह ट्रेंडस न्यूज प्रतिनिधी | पाचोरा विधानसभा मतदार संघातुन सलग तिसऱ्यांदा निवडुन आलेल्या आ. किशोर पाटील यांचा शहरातील शिवालय या शिवसेना कार्यालयात पाचोरा येथील चर्मकार समाज बांधवांतर्फे जाहिर सत्कार करण्यात आला. निवडणुकीच्या प्रचारात राष्ट्रीय चर्मकार महासंघाचे पाचोरा तालुकाध्यक्ष गोवर्धन जाधव यांनी आ. किशोर पाटील यांच्या नेतृत्वावर विश्वास ठेवत त्यांना आपला जाहिर पाठिंबा दिला होता.
त्यांचा पाठिंबा आ. किशोर पाटील यांच्या विजयात मोलाचा ठरला. आ. किशोर पाटील यांचा सत्कार करताना राष्ट्रीय चर्मकार महासंघाचे तालुका अध्यक्ष गोवर्धन देवचंद जाधव, तालुका युवा अध्यक्ष रमेश रामदास पवार यांनी चर्मकार समाजातर्फे आ. किशोर पाटील यांचे पुष्प गुच्छ देऊन सत्कार करून त्यांना सर्व चर्मकार समाजातर्फे पुढील यशस्वी वाटचालीसाठी शुभेच्छा दिल्या.
