धरणगाव लाईव्ह ट्रेंडस न्यूज प्रतिनिधी ! धरणगाव तालुक्यातील बांभोरी गावाजवळ धावत्या रेल्वेचा धक्का लागल्याने एका अनोळखी अंदाजे ५५ वर्षीय व्यक्तीचा जागीच मृत्यू झाल्याची घटना मंगळवार २६ नोव्हेंबर रोजी सकाळी ८ वाजता उघडकीला आले. याप्रकरणी दुपारी १२ वाजता धरणगाव पोलीस ठाण्यात अकस्मात मृत्यूची नोंद करण्यात आली.
अधिक माहिती अशी की, धरणगाव तालुक्यातील बांभोरी गावाजवळील रेल्वे रूळावरून जात असलेल्या अंदाजे ५५ वर्षीय व्यक्तीला जळगावकडून धरणगावकडे जाणाऱ्या धावत्या रेल्वेचा धक्का लागल्याने त्यांचा जागीच मृत्यू झाला. या घटनेची माहिती मिळाल्यानंतर धरणगाव पोलीस ठाण्याचे पोलीस कर्मचारी यांनी घटनास्थळी धाव घेवून मृतदेहचा पंचनामा करून मृतदेह शासकीय वैद्यकीय महाविद्यालयात दाखल करण्यात आले. दरम्यान मयताची अद्याप कोणतीही ओळख पटलेली नाही. याबाबत धरणगाव पोलीस ठाण्यात अकस्मात मृत्यूची नोंद करण्यात आली आहे. मयतची ओळख पटवावी असे आवाहन धरणगाव पोलीसांनी केले आहे. पुढील तपास पोलीस नाईक जितेश नाईक हे करीत आहे.
