भुसावळ लाईव्ह ट्रेंडस न्यूज प्रतिनिधी । भुसावळ शहरातील भारत नगराजवळ पिकअप वाहन रस्त्यात लावण्याच्या कारणावरून एका तरुणाला स्टील पाईपने मारहाण करून गंभीर दुखापत केल्याची घटना मंगळवार १२ नोव्हेंबर रोजी रात्री १० वाजता घडली आहे. याप्रकरणी शनिवारी १६ नोव्हेंबर रोजी दुपारी ३ वाजता भुसावळ शहर पोलीस ठाण्यात एकावर गुन्हा दाखल करण्यात आला आहे.
या संदर्भात मिळालेली माहिती अशी की, सैय्यद शोएब सैय्यद शरीफ हद्दीन (वय-४०, रा. बिस्मिल्ला नगर, भुसावळ) हा तरुण आपल्या परिवारासह वास्तव्याला असून खाजगी वाहन चालवून आपला उदरनिर्वाह करत असतो. मंगळवार १२ नोव्हेंबर रोजी रात्री १० वाजेच्या सुमारास सैय्यद शोएब याने भुसावळातील भारत नगराजवळ पिकअप वाहन रस्त्यावर लावले. त्या कारणावरून एका ४० वर्षीय अनोळखी तरुणाने शिवीगाळ करत स्टील पाईपाने मारहाण करून गंभीर दुखापत पसार झाला. दरम्यान या घटनेबाबत शनिवारी १६ नोव्हेंबर रोजी दुपारी ३ वाजता भुसावळ शहर पोलीस ठाण्यात तक्रार दिली. त्यानुसार अज्ञात तरुणाविरोधात गुन्हा दाखल करण्यात आला. पुढील तपास पोलीस नाईक जाकीर मन्सूरी हे करीत आहे.
