धरणगाव लाईव्ह ट्रेंडस न्यूज प्रतिनिधी । धरणगाव तालुक्यातील श्री समर्थ ट्रेडींग कंपनीच्या गेट समोर भरधाव चारचाकी वाहनाने दिलेल्या धडकेत दुचाकीस्वार गंभीर जखमी झाल्याची घटना सोमवारी २८ ऑक्टोबर रोजी सायंकाळी ६ वाजता घडली. याप्रकरणी मंगळवारी २९ ऑक्टोबर रोजी दुपारी २ वाजता धरणगाव पोलीस ठाण्यात चारचाकी वाहनावरील अज्ञात चालकावर गुन्हा दाखल करण्यात आला आहे. अजय साहेबराव मैराळे वय ३१ रा. हेडगेवार नगर, धरणगाव असे जखमी झालेल्या दुचाकीस्वाराचे नाव आहे.
अधिक माहिती अशी की, अजय मैराळे हा तरूण आपल्या परिवारासह हेडगेवार नगरात वास्तव्याला आहे. सोमवारी २८ ऑक्टोबर रोजी सायंकाळी ६ वाजेच्या सुमारास दुचाकी क्रमांक (एमएच १९ सीए ४७५१) ने धरणगाव ते पिंप्री रस्त्यावरील श्री समर्थ ट्रेडींग कंपनीच्या समोरून जात असतांना समोरू येणारी चारचाकी बोलेरो क्रमांक (एमएच १८ डब्ल्यू २५९९) ने जोरदार धडक दिली. या अपघातात अजय मैराळे हा गंभीर जखमी झाला. त्याला तातडीने धरणगाव ग्रामीण रूग्णालयात दाखल करण्यात आले. याप्रकरणी अजय मैराळे यांनी दिलेल्या फिर्यादीवरून चारचाकी वाहनावरील अज्ञात चालकाविरोधात गुन्हा दाखल करण्यात आला आहे. .
