जळगाव – लाईव्ह ट्रेंडस न्यूज प्रतिनिधी । श्री सकल जैन भगवान महावीर जनकल्याणक महोत्सव समिती, जय आनंद ग्रुप व युवाशक्ती फाऊंडेशनच्यावतीने विश्वशांती दौडचे आयोजन करण्यात आले होते. याला जळगावकरांनी उत्स्फूर्त प्रतिसाद दिला.
विश्वशांती दौड भाऊंचे उद्यान- आकाशवाणी चौक- स्वतंत्र स्वतंत्र चौक- चिमुकले राम मंदिर- स्वतंत्र चौक- आकाशवाणी चौक मार्गे काव्यरत्नवली चौक येथे समाप्त झाली, सहभागी झालेल्या नागरिकांना सहभाग प्रमाणपत्र देऊन सन्मानित करण्यात आले. विश्वशांती दौडला मान्यवरांच्याहस्ते झंडी देऊन सुरुवात करण्यात आली.
यावेळी महापौर जयश्री महाजन, जिल्हाधिकारी अभिजित राऊत, अप्पर पोलीस अधीक्षक चंद्रकांत गवळी, उपविभागीय पोलीस अधिकारी कुमार चिंथा, माजी महापौर प्रदीप रायसोनी, नितीन लद्धा, स्वरूप लुंकड, अजय ललवाणी, दिलीप गांधी, ललित लोढाया, युवासेना सहसचिव विराज कावडीया, जय आनंद ग्रुपचे आह्यक्ष विशाल चोरडिया, अमर जैन, नितीन चोपडा, भारती रायसोनी आदी मान्यवरांची उपस्थिती होती.
