चाळीसगाव (प्रतिनिधी) येथील कृषी उत्पन्न बाजार समितीचे कर्मचारी ज्ञानेश्वर गायके यांना आज शहरातील चरण पेट्रोल पंप येथे एक पाकीट सापडले. या पाकिटात चार एटीएम कार्ड, पॅन कार्ड, व १३०० रुपये असा ऐवज त्यांना आढळून आला. तसेच पाकीट मालकाचे ओळखपत्र मोबाईल नंबर ही त्यात त्यांना मिळाल्याने त्यांनी पाकीट मालक नारायण तोर यांना फोन करून बोलावून घेतले व त्यांचे पाकीट परत केले.
नारायण तोर हे लातूर येथील रहिवासी असून तालुक्यातील हातले येथे कृषी सेवक म्हणून कार्यरत आहेत. हल्लीच्या स्वार्थी जगात अशाप्रकारे प्रामाणिकपणे एखाद्याची वस्तू व पैसे परत करणे हा दुर्मिळ भाग असल्याने ज्ञानेश्वर गायके यांचे सगळ्यांनी कौतुक केले असून नारायण तोर यांनी त्यांना धन्यवाद दिले आहेत.
