जळगाव-लाईव्ह ट्रेंडस न्यूज प्रतिनिधी । जळगाव शहरातील नवीन बसस्थानक परिसरात महिलेच्या पर्समधून ६५ हजार रूपये किंमतीचे दागिने अज्ञात चोरट्यांनी चोरून नेल्याची घटना शनिवारी १८ मे रोजी दुपारी ४ वाजेच्या सुमारास घडली आहे. याप्रकरणी रविवारी १९ मे रोजी दुपारी दीड वाजता जिल्हापेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत अधिक असे की, शुभांगी सचिन बऱ्हाडे वय ३० रा. किनगाव ता. यावल या महिला आपल्या कुटुंबासह वास्तव्याला आहे. शनिवारी १८ मे रोजी दुपारी ४ वाजता महिला जळगाव शहरातील बसस्थानक येथे आलेल्या होत्या. त्यावेळी अज्ञात चोरट्यांनी त्यांच्या पर्समधून ६५ हजार रूपये किंमतीचे सोन्याचे दागिने चोरून नेल्याची घटना घडली. ही घटना उघडकीला आल्यानंतर महिलेने जिल्हापेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून रविवारी १९ मे रोजी दुपारी दीड वाजता जिल्हापेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला.
