यावल –लाईव्ह ट्रेंड्स न्यूज प्रतिनिधी । महाराष्ट्राचे उपमुख्यमंत्री व राष्ट्रवादी काँग्रेसचे राष्ट्रीय अध्यक्ष अजित पवार यांच्या ६६ व्या वाढदिवसानिमित्त यावल शहरात राष्ट्रवादी काँग्रेस पक्षाच्यावतीने विविध समाजोपयोगी उपक्रमांचे आयोजन करण्यात आले. “झाड माझ्या दादाचं” या संकल्पनेतून निसर्ग संवर्धनाचा संदेश देत पक्षाच्या कार्यकर्त्यांनी मोठ्या उत्साहात ५०१ झाडांचे रोपण केले, तर यावल ग्रामीण रुग्णालयातील रुग्णांना फळांचे वाटप करून मानवी संवेदनशीलतेचे दर्शन घडवले.
यावल येथे झालेल्या या उपक्रमाला राष्ट्रवादी विद्यार्थी काँग्रेसचे जिल्हाध्यक्ष राकेश सोनार प्रमुख उपस्थित होते. त्यांच्या मार्गदर्शनाखाली वृक्षारोपणाचा कार्यक्रम यशस्वी करण्यात आला. झाडे लावण्याबरोबरच त्यांचे संगोपन करण्याचा संकल्पही यावेळी घेण्यात आला. त्याचबरोबर यावल ग्रामीण रुग्णालयात उपचार घेत असलेल्या रुग्णांना आरोग्यदायी फळांचे वाटप करण्यात आले, ज्यामुळे नागरिकांमध्ये पक्षाबद्दल सकारात्मक भावनांचा उमट झाला.
या उपक्रमांमागील उद्दिष्ट म्हणजे उपमुख्यमंत्री अजित पवार यांच्या जनसामान्यांप्रती असलेल्या संवेदनशीलतेचे प्रतीक म्हणून वाढदिवस साजरा करणे. “जनविश्वास सप्ताह” अंतर्गत रावेर लोकसभा क्षेत्रामध्ये अशा अनेक उपक्रमांचे आयोजन करण्यात येणार असून, यामुळे सामान्य जनतेमध्ये पक्षाचा विश्वास वाढविण्याचा प्रयत्न आहे, असे मत राकेश सोनार यांनी व्यक्त केले.
याच वेळी अजित पवार हे शेतकरी, महिला, विद्यार्थी व समाजातील सर्व घटकांना न्याय देणारे खरे जननायक असून, लवकरच ते महाराष्ट्राचे मुख्यमंत्री होतील, असा विश्वास देखील त्यांनी यावेळी बोलताना व्यक्त केला.
या कार्यक्रमाला यावल तालुकाध्यक्ष रितेश पाटील, शहराध्यक्ष राजेश करांडे, जिल्हा उपाध्यक्ष नरेंद्र सोनवणे, विद्यार्थी तालुकाध्यक्ष गौरव भोईटे, सामाजिक न्याय विभागाचे जिल्हा सचिव विलास भास्कर, तालुका अध्यक्ष विलास अडकमोल, तसेच कदीर खान, शेख इरफान, कामराज घारू, विक्की गजरे, रामचंद्र नरवडे, सकलीन शेख, सागर सोनवणे आदी कार्यकर्त्यांची उपस्थिती लाभली.
कार्यक्रमाच्या माध्यमातून पर्यावरण संवर्धन, सामाजिक सेवा आणि जनतेशी थेट संवाद साधण्याचा प्रयत्न करण्यात आला असून, अशा उपक्रमांतून राष्ट्रवादी काँग्रेस पक्षाने आपली सामाजिक बांधिलकी पुन्हा एकदा अधोरेखित केली आहे.
