यावल : प्रतिनिधी । तालुक्यातील ग्रामपंचायतींना जिल्हा परिषदच्या जनसुविधा योजनेअंतर्गत साकळी-दहीगाव गटाचे सदस्य तथा शिक्षण, क्रिडा व आरोग्य सभापती रवींद्र पाटील यांच्या प्रयत्नातून सिमेंटच्या बाकांचे वाटप करण्यात आले
साकळीसह चुंचाळे , महेलखेडी , बोरावल , कोरपावली व किनगाव येथे सिमेंटचे बाक देण्यात आले या सर्व गावातील विविध धार्मिक स्थळे व स्मशानभूमी याठिकाणीदेखील बाक देण्यात आले आहे. साकळी येथे स्मशानभूमीसह पिर बाबा सज्जनशाहवली यांच्या दर्गासह धार्मिकस्थळांच्या ठिकाणी हे पन्नास सिमेंट बाक देण्यात आले .
लवकरच उर्वरीत ग्रामपंचायतींच्या मागणीनुसार पन्नास सिमेंट बाक देण्यात येणार असल्याचे सांगण्यात आले .यावेळी जिल्हा परिषदचे शिक्षण, क्रिडा व आरोग्य सभापती रवींद्र पाटील, ग्राम पंचायत सदस्य शरद बिऱ्हाडे, साहेबराव बडगुजर, माजी ग्राम पंचायत सदस्य दीपक पाटील, नूतनराज बडगुजर, भाजयुमोचे तालुका उपाध्यक्ष योगेश खेवलकर , गजानन महाराज फाउंडेशनचे अध्यक्ष अनिल जोशी, नितीन सोनवणे , चिंतामण सुरवाडे, नाना भालेराव यांच्यासह ग्रामंस्थ उपस्थित होते. बाक मिळाल्याने नागरिकांमध्ये समाधान व्यक्त केले जात आहे
