मुक्ताईनगर, प्रतिनिधी । आगामी पोळा व गणेशोत्सवाच्या पार्श्वभूमीवर मुक्ताईनगर पोलीस स्टेशन हद्दीतील पोलीस पाटलांची महत्त्वपूर्ण बैठकीचे मुक्ताईनगर पोलीस स्टेशन येथे पोलीस निरीक्षक राहुल खताळ यांच्या अध्यक्षतेखाली आयोजन करण्यात आले.
आज दि. ५ सप्टेंबर रोजी पोलीस निरीक्षक राहुल खताळ यांनी बैठकीत पोलीस पाटील यांना पोळा व गणेश उत्सव साध्या पध्दतीने साजरा करण्याबाबत आवाहन केले. तसेच पोळा तसेच गणेश उत्सव आगमन व विसर्जन वेळी मिरवणुक काढु नये याबाबत मार्गदर्शन केले. यावेळी कोरोना अनुषंगाने महाराष्ट्र शासनाकडील प्राप्त सूचना समजून सांगण्यात आल्यात. यात सार्वजनिक गणेश मुर्ती ४ फुट व घरगुती गणेश मुर्ती २ फुट पेक्षा मोठी नसावी तसेच ऑनलाईन परवानगी फार्म भरू सोबत हमीपत्र जोडणे याबाबत मार्गदर्शन केले. या बैठकीस ५७ पोलीस पाटलांनी हजेरी लावली होती.
