जळगाव प्रतिनिधी । शहरातील पिंप्राळा परिसरातील पांढरी प्लॉट भागातून ३० वर्षीय तरूण हा घरात कोणालाही काहीही न सांगता घरातून बेपत्ता झाले आहेत. रामानंद नगर पोलीस ठाण्यात हरविल्याची नोंद करण्यात आली.
पोलीसांकडून मिळालेली माहिती अशी की, सुनिल सुभाष मराठे (वय-३०) रा. पांढरा प्लॉट पिंप्राळा हा तरूण जैन इरिगेशन कंपनीत काम करतो. ३० जुलै २०१८ रोजी दुपारी ३ वाजता कंपनीत कामाला जाण्यासाठी घरातून निघाला. नातेवाईकांनी आज येईल उद्या येईल असे करत आजपर्यंत त्यांची वाट पाहिली परंतू सुनिल मराठे हा घरी न आल्याने रामानंद नगर पोलीस ठाण्यात वडील सुभाष तुकडू मराठे यांच्या खबरीवरून रामानंद नगर पोलीस ठाण्यात हरविल्याची नोंद करण्यात आली आहे. पुढील तपास पोहेकॉ राजेश भावसार करीत आहे.
