जळगाव-लाईव्ह ट्रेंडस न्यूज प्रतिनिधी । जळगाव शहरातील नवीन बसस्थानकात बसमध्ये चढतांना बसमधून महिलेचे १ लाख १२ हजारांचे दागिणे चोरट्यांनी लांबविल्याची घटना घडली आहे. याप्रकरणी जिल्हापेठ पोलीस ठाण्यात गुन्हा दाखल झाला आहे.
छत्रपती संभाजीनगर जिल्ह्यातील स्नेहल अजीत तायडे वय ३१ ह्या बुधवारी दुपारी २ वाजेच्या सुमारास जळगावात आल्या. यावल येथे जाण्यासाठी त्या नवीन बसस्थानकातून जळगाव यावल बसमध्ये बसल्या. बसमध्ये बसल्यानंतर त्यांना त्यांच्याकडील पर्समध्ये असलेले १ लाख १२ हजारांचे दागिणे आढळून आले नाही. बसस्थानक परिससरात शोध घेतला मात्र दागिणे कुठेच मिळून आले नाही, अखेर बसमध्ये चढतांना गर्दीचा फायदा घेत अज्ञात चोरट्याने दागिणे लांबविल्याची खात्री झाल्यावर सायंकाळी ७ वाजेच्या सुमारास स्नेहल तायडे यांनी जिल्हापेठ पोलीस ठाण्यात तक्रार दिली. या तक्रारीवरुन अज्ञात चोरटयांविरोधात गुन्हा दाखल करण्यात आला आहे. पुढील तपास पोलीस हेडकॉन्स्टेबल मनोज बंकट हे करीत आहेत.
