जळगाव प्रतिनिधी । तालुक्यातील भिलवाडी येथील ५१ वर्षीय प्रौढाने आजाराला कंटाळून राहत्या घरात गळफास घेवून आत्महत्या केल्याचे आज सकाळी ६ वाजेच्या सुमारास उघडकीला आली. याप्रकरणी एमआयडीसी पोलीस ठाण्यात अकस्मात मृत्यूची नोंद करण्याचे काम सुरू होते.
अधिक माहिती अशी की, बाळू लहू भिल, पवार (वय-५१) रा. भिलवाडी ता. जळगाव हे यांना गेल्या अनेक वर्षांपासून दुर्धर आजार जडला होता. या आजाराला कंटाळून त्यांनी आज सकाळी ६ वाजेच्या पुर्वी राहत्या घरात दोरीने गळफास घेवून आत्महत्या केली. आत्महत्या केली त्यावेळी घरात मोठा मुलगा काशिनाथ आणि मुलगी संजना घरात झोपलेले होते. त्यांची पत्नी प्रमिलाबाई व लहान मुलगा दिपक भिल हे पुणे जिल्ह्यात उसतोडणीला गेलेले आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास एमआयडीसी पोलीस कर्मचारी करीत आहे.
