जळगाव प्रतिनिधी । तालुक्यातील आसोदा येथील २१ वर्षीय तरुणाने राहत्या घरात गळफास घेत आत्महत्या केल्याची घटना गुरूवारी घडली. याप्रकरणी तालुका पोलिसात अकस्मात मृत्यूची नोंद करण्यात आली आहे.
याबाबत पोलिसांकडून मिळालेली माहिती अशी की, जळगाव तालुक्यातील आसोदा येथील रहिवासी चेतन दिलीप चौधरी (वय २१) या तरुणाने राहत्या घरात गळफास घेत आत्महत्या केल्याची घटना १ एप्रिल रोजी उघडकीस आली. आत्महत्येचे कारण अद्याप स्पष्ट झालेले नाही. ही घटना घडताच त्या कुटुंबियांनी त्याला तात्काळ शासकीय वैद्यकीय महाविद्यायात दाखल केले. याठिकाणी वैद्यकीय अधिकार्‍यांनी त्याची तपासणी केली असता, वैद्यकीय अधिकार्‍यांनी त्याला मयत घोषित केले. याप्रकरणी भरत चौधरी यांच्या खबरीवरुन तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास विश्‍वनाथ गायकवाड हे करीत आहे.