यावल-लाईव्ह ट्रेंडस न्यूज प्रतिनिधी | प्रहार जनशक्ती पक्षाचे संस्थापक अध्यक्ष तथा राज्यमंत्री बच्चू कडू हे एक दिवसाच्या जिल्हा दौर्‍यावर येणार असून यात येथे जाहीर सभा होणार आहे.
प्रहार जनशक्ती पक्षाचे संस्थापक अध्यक्ष तथा राज्याचे शालेय शिक्षण व क्रीडा राज्यमंत्री ना. बच्चू कडू हे २७ मे रोजी जिल्हा दौर्‍यावर येत आहेत. या दौर्‍यात ते यावल येथेही येणार असून त्यांचा दौरा यशस्वी करण्यासाठी येथे नियोजनपर बैठकीचे आयोजन करण्यात आले.
या बैठकीत पक्षाचे युवा पदाधिकारी धीरज चौधरी, अभिमन्यू चौधरी, शहराध्यक्ष तुकाराम बारी, हाजी हकीम खाटीक, दिलीप वाणी, आलीम शेख, अल्पसंख्याक अध्यक्ष हाजी हकीम शेख, तालुकाध्यक्ष सुभाष सोनवणे, गोकुळे कोळी, नितीन बारी यांच्यासह मोठ्या संख्येत प्रहार पक्षाचे पदाधिकारी, कार्यकर्ते उपस्थित होते.
२७ मे रोजी राज्यमंत्री बच्चू कडू यांच्या उपस्थिततीत बोरावल गेटपासून रॅली निघणार आहे. यानंतर रात्री ८ वाजता सभा होणार आहे. याचे अचूक नियोजन करण्याचे या बैठकीत ठरले. अनिल चौधरी यांनी प्रहार जनशक्ती पक्षाच्या उत्तर महाराष्ट्र प्रमुखपदाची सूत्रे हाती घेतल्यानंतर बच्चू कडू हे पहिल्यांदाच यावल येथे येणार असल्याने या दौर्‍याबाबत उत्सुकता लागल्याचे दिसून येत आहे. दरम्यान, याच दौर्‍यात ना. कडू यांच्या उपस्थितीत यावल तालुक्यातील अकलूद आणि फैजपूर येथे देखील कायक्रमांचे आयोजन करण्यात आले आहे.