जळगाव-लाईव्ह ट्रेंडस न्यूज प्रतिनिधी । जळगाव शहरातील अजिंठा चौफुलीजवळील बॉम्बे बेकरी जवळ भरधाव वेगाने येणाऱ्या अज्ञात वाहनाने वृध्द महिलेला जोरदार धडक दिल्याने जखमी झाल्याची घटना सोमवारी २० मे रोजी दुपारी १२ वाजता घडली. याप्रकरणी मंगळवार २१ मे रोजी मध्यरात्री १२.३० वाजता एमआयडीसी पोलीस ठाण्यात अज्ञात वाहनावरील चालकावर गुन्हा दाखल करण्यात आला आहे.
याबाबत अधिक असे की, हसीनाबी लेकतशहा वय ६१ रा. गरीब नवाज कॉलनी, धुळे या वृध्द आपल्या परिवारासह वास्तव्याला आहे. मंगळवार २१ मे रोजी दुपारी १२ वाजता अजिंठा चौफुलीजवळील बॉम्बे बेकरीजवळून हसीनाबी शहा या पायी जात असतांना त्यांनी भरधाव वेगाने जाणाऱ्या एका अज्ञात वाहनाने जोरदार धडक दिली. या अपघातात हसीनाबी शहा या वृध्द महिला गंभीर जखमी झाल्या त्यांना तातडीने जिल्हा शासकीय वैद्यकीय महाविद्यालयात दाखल करण्यात आले. याप्रकरणी मंगळवार २१ मे रोजी मध्यरात्री १२.३० वाजता फिर्याद देण्यात आली. त्यानुसार एमआयडीसी पोलीस ठाण्यात अज्ञात वाहनावरील चालकावर गुन्हा दाखल करण्यात आला आहे. पुढील तपास पोलीस पोलीस नाईक पंकज पाटील हे करीत आहे.