अमळनेर-लाईव्ह ट्रेंडस न्यूज प्रतिनिधी । शिरपूरकडे जाणाऱ्या बुलेटला भरधाव वेगाने येणाऱ्या बसने जोरदार धडक दिली. या भीषण अपघातात बुलेटवरील डॉक्टर असलेले दोन्ही मित्रांचा जागीच मृत्यू झाल्याची दुदैवीघटना अमळनेर बेटावद रस्त्यावरील हॉटेल माधवी जवळ घडली आहे.
डॉ. महेंद्र शांतीलाल बोरसे (वय-३९) रा. पाडसे ता. अमळनेर व त्यांचा मित्र डॉ. अरूण नथ्थू साळुंखे (वय-३८) रा. हिंगोण खुर्द ता. अमळनेर असे मयत झालेल्या दोन्ही डॉक्टारांची नावे आहेत.
याबाबत अधिक माहिती अशी की, डॉ. महेंद्र बोरसे आणि डॉ. अरूण नथ्थू साळुंखे हे शुक्रवारी २३ सप्टेंबर रोजी दुपारी तीन वाजेच्या सुमारास बुलेट क्रमांक (एमएच १८ एव्ही ३११) ने अमळनेर-बेटावद रस्त्याने शिरपूरकडे जात होते. ब्राम्हणे फाट्याजवळील हॉटेल माधवी जवळ समोरून येणारी शिरपूर-अमळनेर बस क्रमांक (एमएच २० बीएल ३९८१) ने बुलेटला जोरदार धडक दिली. या भीषण अपघातात बुलेटवरील डॉ. महेंद्र बोरसे आणि डॉ. अरूण साळुंखे हे जागीच ठार झाल्याची दुदैवी घटना घडली. ही बस दुसऱ्या बसला ओव्हरटेक करत असतांना हा भीषण अपघात झाला आहे. अमळनेर ग्रामीण रूग्णालयात शवविच्छेदनासाठी आणण्यात आले आहे. याप्रकरणी रविंद्र जगन्निा मिस्तरी यांनी दिलेल्या फिर्यादीवरून पोलीस ठाण्यात बसचालकाविरोधात गुन्हा दाखल करण्यात आला आहे आहे. पुढील तपास सहाय्यक फौजदार किशोर पाटील करीत आहे. दरम्यान पाडसे येथील डॉ.महेंद्र बोरसे हे परिसरात मनमिळाऊ असल्याने सर्वत्र हळहळ व्यक्त होत आहे. त्यांच्या पच्यात आई वडील, पत्नी, एक मुलगा, भाऊ तर अरुण साळुंके यांच्या पश्चात आई वडील पत्नी दोन मुली असा परिवार आहे.