भुसावळ-लाईव्ह ट्रेंड्स न्यूज प्रतिनिधी । भुसावळ शहरातील गोल्डन पॅलेस लॉजमधून खाजगी नोकरी करणाऱ्या एकाचा मोबाईल आणि रोख रक्कम अज्ञात चोरट्यांनी चोरून नेले. या संदर्भात गुरूवार ३ ऑगस्ट रोजी दुपारी १ वाजता भुसावळ बाजारपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
विजय सुरेश गोरे (वय-५८) रा. समृद्ध पार्क, सुरभी नगर, भुसावळ हे आपल्या परिवारासह वास्तव्याला आहे. खाजगी नोकरी करून ते आपला उदरनिर्वाह करतात. भुसावळ शहरातील हनुमान मंदिर परिसराजवळील गोल्डन पॅलेस लॉज येथे १ ऑगस्ट रोजी रात्री ९ वाजता कामावर हजर होते. यावेळी अज्ञात चोरट्याने त्यांचा मोबाईल आणि रोख रक्कम असा एकूण ६ हजार रुपये किंमतीचा मुद्देमाल चोरून नेला. हा प्रकार घडल्यानंतर विजय गोरे यांनी मोबाईल व रोकडची चौकशी केली, परंतु या संदर्भात काहीही माहिती मिळाली नाही. अखेर त्यांनी गुरुवार ३ ऑगस्ट रोजी दुपारी १ वाजता भुसावळ बाजारपेठ पोलीस ठाण्यात धाव घेतली. त्यांनी दिलेल्या फिर्यादीवरून अज्ञात चोरट्यांविरोधात भुसावळ बाजारपेठ पोलीस ठाण्यात गुन्हा नोंदविण्यात आला आहे. या घटनेचा पुढील तपास पोलीस हेडकॉन्स्टेबल नेव्हील बाटले करीत आहे.