जळगाव-लाईव्ह ट्रेंडस न्यूज प्रतिनिधी । एमआयडीसीतील सेक्टर-एस मध्ये असलेल्या एका कंपनीतून ८ हजार रुपये किमतीची पाण्याची मोटार अज्ञात चोरट्याने चोरून नेल्याचे समोर आले आहे. याबाबत शनिवार १ ऑक्टोबर रोजी एमआयडीसी पोलीस ठाण्यात अज्ञात चोरट्यावर गुन्हा दाखल केला आहे. एमआयडीसी पोलीस सूत्रांकडून मिळालेल्या माहितीनुसार, एमआयडीसी भागातील सेक्टर-एस मध्ये एमएसजे इंडस्ट्रीज नावाची कंपनी आहे. या कंपनीतून ३० ऑगस्ट रात्री ते १ सप्टेंबर दरम्यानच्या वेळेत अज्ञात चोरट्याने ८ हजार रुपये किमतीची पाण्याची इलेक्ट्रिक मोटर चोरून नेले आहे. हा प्रकार समोर आल्यानंतर कंपनीचे किरण भागवत कोल्हे (वय-५२) रा. रणछोड नगर, जळगाव यांनी शनिवार १ ऑक्टोबर रोजी रात्री ९ वाजता एमआयडीसी पोलीस ठाण्यात धाव घेवून तक्रार दिली. त्यांच्या तक्रारीवरून एमआयडीसी पोलीस ठाण्यात अज्ञात चोरट्यावर गुन्हा दाखल झाला आहे. या घटनेचा पुढील तपास पोलीस हेड कॉन्स्टेबल जितेंद्र राजपूत करीत आहे.