अमळनेर प्रतिनिधी । शहरातील नांदेडकर सभागृहात द युनिक अकॅडमीतर्फे स्पर्धा परिक्षेची तयारी या विषयावर मार्गदर्शन करण्यात आले.
या शिबिरात लेखक व मार्गदर्शक मिलिंद पाटील यांनी विद्यार्थ्यांना गणित या विषयावर विशेष मार्गदर्शन केले. त्यांनी एमपीएससी/युपीएससीची तयारी कशी करावी ? कोणती पुस्तके वाचावी ? या बाबत शंका निरसन केले. जळगाव शाखा प्रमुख सुनील देशमुख यांनी आगामी परीक्षा व संधी या बाबत संवाद साधला
मुलांच्या विविध प्रश्नांची उत्तरं देतांना स्पर्धा परीक्षेचे महत्त्व त्यांना पटवून दिले. प्रास्तविक पवन लोहार यांनी केले तर आभार नरेंद्र पाटील यांनी मानले.
