*जळगाव (प्रतिनिधी)* शहरातील खेडी पेट्रोल पंपा जवळ आज सकाळी एका बांधकाम ठेकेदाराचा खून झाल्याचा प्रकार उघडकीस आला आहे. या घटनेमुळे परिसरात प्रचंड खळबळ उडाली आहे.
या संदर्भात अधिक असे की, खेडी परिसरातील पेट्रोल पंपाजवळ आज सकाळी ९ ते ९:३० वाजेच्या सुमारास विपिन दिनकर मोरे (वय ३५ रा. खेडी) हे आपल्या दुचाकीवरून जात होते. याचवेळी तिघांनी येत त्यांच्यावर चाकूने हल्ला चढविला. या हल्ल्यात विपिन जागीच ठार झालेत. घटनास्थळी काही वेळ प्रचंड खळबळ उडाली होती. दरम्यान, विपिनसिंग आणि मारेकऱ्यांमध्ये अनेक दिवसापासून वाद होता. अनेकवेळा पोलिसात तक्रारी देखील झाल्या होत्या. परंतू आज थेट या वादातून विपिनचा खूनच झाला. घटनास्थळी पोलीस पोहचले आहे.