जळगाव, लाईव्ह ट्रेंड्स न्युज प्रतिनिधी– आतापर्यत दीड-दोन वर्षापूर्वीच मी-मी म्हणणाऱ्या दोन-चार जणांना आत टाकून गृहमंत्रीपद काय असते, हे दाखवायला पहिजे होते, गृहमंत्रीपद काय असते ते दाखवा, असे वक्त्यव्य माजी मंत्री एकनाथराव खडसे यांनी केले आहे.
राष्ट्रवादी काँग्रेसचे अध्यक्ष शरद पवार जळगाव जिल्ह्याच्या दौऱ्यावर आले आहेत, धरणगाव तालुक्यात एका आयोजित कार्यक्रमात माजीमहसूल मंत्री एकनाथराव खडसे यांनी राष्ट्रवादी काँग्रेस अध्यक्ष शरद पवार यांच्यासमोरच महाविकास आघाडीतील राष्ट्रवादीचे गृहमंत्री दिलीप वळसे पाटील यांना गृहमंत्रीपदाचा हिसका दाखवा असं सांगत कडक भूमिका घेण्याचे आवाहन केले आहे.
माजी गृहमंत्र्यांच्या घरावर इडीच्या धाडी पडतात, फोन टॅप केले जातात, याच माध्यमातून अनेकदा अडकववण्याचा प्रयत्न केला जात आहे, जर मी जेलमध्ये गेलो तर तुम्हालाही घेऊन बुडणार हे लक्षात ठेवा. जे काही सत्य असेल ते जनतेसमोर आणा हेच सरकारला माझे सांगणे आहे.
मी-मी म्हणणाऱ्याची शेकडो प्रकरणं आहेत, जरा गृहमंत्रीपदाचा हिसका, इंगा दाखवा. जे सत्य आहे तेच करा, पण ज्यांनी-ज्यांनी त्रास देण्याचा प्रयत्न केला आहे त्यांना भोगायला लावला, तर अशी परिस्थितीच निर्माण होणार नाही, असे खुला इशारा पवार यांच्या समोरच खडसे यांनी गृहमंत्री ना. वळसे पाटील यांना दिला.