सावदा. ता. रावेर-लाईव्ह ट्रेंडस न्यूज प्रतिनिधी | येथील हॉटेलमधून चोरट्यांनी रोकडसह सुमारे ६३ हजार रूपयांचा ऐवज लंपास केल्याची घटना घडली आहे.
या संदर्भातील वृत्त असे की, सावदा येथील न्यू पंजाब हॉटेल व परमीटररूम बार येथे चोरी झाली असून या प्रकरणी जतीन अरोरा यांनी फिर्याद दिली आहे. या फिर्यादीनुसार त्यांच्या पत्नीच्या नावे असणार्‍या हॉटेल न्यूज पंजाब मधून दिनांक २३ रोजी रात्रीच्या सुमारास अज्ञात चोरट्यांनी सात हजार रूपयांची रोकड, लॅपटॉप, सीसीटिव्हीचा डीव्हीआर, सिगरेटची पाकिटे असा एकूण सुमारे ६३ हजार रूपयांचा ऐवज चोरून नेला आहे.
या प्रकरणी जतीन भारतभूषण अरोरा यांनी दिलेल्या फिर्यादीवरून सावदा पोलीस स्थानकात भादंवि कलम ४५७, ३८० अन्वये गुन्हा नोंदविण्यात आलेला आहे. या प्रकरणी पुढील तपास सपोनि जालींदर पळे यांच्या मार्गदर्शनाखाली उपनिरिक्षक अनवर तडवी हे करत आहेत.