पुण्यातील मृतांची संख्या २३ वर ; ८ जण अजूनही बेपत्ता

 

पुणे (वृत्तसंस्था) बुधवारी रात्री झालेल्या अतिवृष्टीनंतर शहर आणि जिल्ह्यातील मृतांची संख्या २३वर पोहोचली आहे. तर दुसरीकडे अजूनही आठ जण बेपत्ता आहेत.

बुधवारी रात्री झालेल्या अतिवृष्टीनंतर नऱ्हे येथील सोसायटीच्या पार्किंगमध्ये साठलेले पाणी कमी करण्याच्या प्रयत्नात वाहून गेलेल्या मुकेश गाडीलोहार या युवकाचा आणि जांभूळवाडी येथे कारमधून वाहून गेलेल्या तिघांपैकी सूरज उर्फ बाबू वाडकर यांचे मृतदेह अखेर अग्निशमन दलाच्या हाती लागले. यासह खेड शिवापूर येथील दर्ग्याच्या दर्शनासाठी गेलेल्या दोन महिलांचा आणि खडकवासला येथे अज्ञात युवकाचा असे एकूण पाच मृतदेह शुक्रवारी आढळून आले आहेत. त्यामुळे शहर आणि जिल्ह्यातील मृतांची संख्या २३वर पोहोचली असून, अद्याप आठ जण बेपत्ता आहेत