यावल – लाईव्ह ट्रेंडस न्यूज प्रतिनिधी । राष्ट्रवादी युवक काँग्रेसच्या वतीने यावल शहरात ‘शरद युवा संवाद यात्रा’चे आयोजन करण्यात आले असून या कार्यक्रमात तालुक्यातील युवकांनी सहभागी व्हावे आवाहन असे आवाहन तालुका युवक राष्ट्रवादीच्या वतीने करण्यात आले आहे.
सोमवार, दि. ७ फेब्रुवारी रोजी ‘यावल युवक राष्ट्रवादी काँग्रेस पक्ष’ यांच्या वतीने यावलच्या खरेदी विक्री सहकारी संघाच्या परिसरात सकाळी १o वाजेला ‘शरद युवा संवाद यात्रा’चे आयोजन केले आहे. अध्यक्ष अॅड.देवकांत पाटील व शहरअध्यक्ष हितेश गजरे यांनी केले आहे .
राष्ट्रवादीचे राष्ट्रीय अध्यक्ष खा.शरद पवार यांच्या ८१ व्या वाढदिवसाच्या निमित्ताने राज्याचे जलसंपदा मंत्री ना.जयंत पाटील यांच्या संकल्पनेतून व राष्ट्रवादी युवक काँग्रेसच्या माध्यमातून राष्ट्रवादीचे युवक काँग्रेस प्रदेशाध्यक्ष मेहबूब शेख यांच्यासोबत ‘शरद युवा संवाद यात्रा’ आयोजित करण्यात आलेली आहे. या यात्रेची सुरुवात जळगांव जिल्ह्यातील सुप्रसिद्ध कवयित्री बहिणाबाई चौधरी यांचे जन्मस्थान मौजे आसोदा ता.जि.जळगांव येथून दि. ४ फेब्रुवारी २०२२ संध्याकाळी ५ वाजता झाली. ही यात्रा सर्व जळगांव जिल्ह्यातील सर्व तालुक्यात पोहचत असून यावल तालुक्यात ही यात्रेचे सोमवार, दि. ७ फेब्रुवारी रोजी सकाळी १० वाजेला यावलच्या खरेदी विक्री संघातील परिसरात आगमन व आयोजन करण्यात आले आहे. यावेळी राष्ट्रवादी युवक काँग्रेसचे प्रदेशाध्यक्ष मेहबूब शेख यांच्या प्रमुख उपस्थितीत व राष्ट्रवादी काँग्रेस पक्षाचे जळगांव जिल्हाध्यक्ष सह सर्व आजी- माजी आमदार, सर्व सेलचे सन्माननीय पदाधिकारी यांच्या उपस्थितीत राहणार आहेत .
यात्रेच्या माध्यमातून सबंध महाराष्ट्र राज्याच्या कानाकोपऱ्यातील युवकांना राष्ट्रवादी काँग्रेसच्या विचारांशी जोडण्याचा मानस आहे. नव्याने राजकारणात येऊ पाहणारी युवकांची संख्या लक्षणीय आहे! त्यांना राजकीय प्रक्रियेच्या सोबत राष्ट्रवादी युवक काँग्रेसच्या माध्यमातून तरुणांची ‘राष्ट्रवादी विचारांची’ व विकासात्मक दृष्टिकोन असणारी फळी महाराष्ट्रात नव्या जोमाने निर्माण करण्याच्या दृष्टीने आम्ही संवाद साधणार आहोत या शरद युवा संवाद यात्रेच्या माध्यमातून नव्या ऊर्जेने युवकांच्या सोबत संवाद साधणार आहे. यावल तालुक्यातील सर्व पदाधिकारी, कार्यकर्ते यांनी उपस्थित रहावे असे आवाहन यावल तालुका राष्ट्रवादी युवक काँग्रेसच्या वतीने करण्यात येत आहे.