यावल – लाईव्ह ट्रेंडस न्यूज प्रतिनिधी । तालुक्यातील अकलुद येथील पोदार इंटरनेशनल स्कूलच्या वतीने राष्ट्रपिता महात्मा गांधी आणि भारतरत्न लालबहादूर शास्त्री जयंती उत्साहात साजरी करण्यात आली.
पोदार जम्बो किड्स व पोदार इंटरनेशनल स्कूलच्या वतीने दि. २ ऑक्टोबर रोजी राष्ट्रपिता महात्मा गांधी आणि लालबहादूर शास्त्री जयंतीचा संयुक्त कार्यक्रम उत्साहात झाला. विद्यार्थी व पालकांच्या उपस्थितीत विविध कार्यक्रम घेण्यात आले. शिक्षकांनी व विद्यार्थींनी वर्गात गांधींजींच्या जीवनशैलीवर व राहणीमानावर सुंदर देखावे बनविले होते. पालकांसाठी व विद्यार्थांसाठी आईस्क्रीमच्या काड्यांपासून चरखा बनविणे, कागदापासून लाल बहादूर शास्त्रींची टोपी बनविणे. तीन माकडचे चित्राला बोटांच्या ठसांच्या सह्याने रंगविणे, प्रश्नमंजुषा अश्या प्रकारचे विविध मनोरंजनात्मक उपक्रम आयोजित करण्यात आले होते. पालक व गांधीजी, कस्तुरबाजी, लाल बहादूर शास्त्रीजी यांच्या वेशभूशेतील विद्यार्थ्यांनी दांडी यात्रेच्या देखाव्या पर्यंत दांडी मार्च काढला.
यावेळी पोदार शाळेचे प्राचार्य आनंद हिरालाल शाह यांनी लाल बहादूर शास्त्री व राष्ट्रपिता महात्मा गांधी यांच्या प्रतिमेला माल्यार्पण करून दोन्ही महापुर्षांचे अभिवादन केले. विद्यार्थांसाठी आयोजित केलेले विविध खेळ व देखावे हे कार्यक्रमाचे मुख्य आकर्षण ठरले. पोदार जम्बो किड्सच्या मुख्याध्यापिका श्रीमती मनीषा श्रृंगी यांनी मार्गदर्शन केले. कार्यक्रमाच्या यशस्वीतेसाठी शाळेचे व्यवस्थापक रामदास कुळकर्णी तसेच शिक्षक शिक्षकेतर कर्मचारी वर्गाने अथक परिश्रम घेतले.