जळगाव-लाईव्ह ट्रेंडस न्यूज प्रतिनिधी । जळगाव शहरातील रामेश्वर कॉलनी येथे आईला शिवीगाळ केल्याचा जाब विचार एका भावाने दुसऱ्या भावासह आई व बहिणीला शिवीगाळ करत लोखंडी रॉडने मारहाण करून दुखापत केल्याची घटना रविवारी ९ जून रोजी दुपारी १२.३० वाजता घडली. याप्रकरणी एमआयडीसी पोलीस ठाण्यात सायंकाळी ७ वाजता एमआयडीसी पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, महेंद्र जयवंत बैसाणे वय ४३ रा. रामेश्वर कॉलनी, जळगाव हे आपल्या कुटुंबासह वास्तव्याला आहे. रविवार ९ जून रोजी दुपारी १२.३० वाजता महेंद्र बैसाणे यांचा भाऊ श्याम जयवंत बैसाणे हा त्याची आईला शिवीगाळ केली. याचा जाब विचारण्यासाठी गेलेल्या महेंद्र बैसाणे याच्यासह त्यांची आई व बहिण यांना लोखंडी रॉडने मारहाण करून दुखापत केली. याप्रकरणी सायंकाळी ७ वाजता एमआयडीसी पोलीसात तक्रार देण्यात आली. त्यानुसार मारहाण करणारे श्याम जयवंत बैसाणे याच्या विरोधात पोलीसात गुन्हा दाखल करण्यात आला आहे. पुढील तपास पोलीस नाईक हेमंत जाधव हे करीत आहे.