भुसावळ-लाईव्ह ट्रेंडस न्युज प्रतिनिधी । तालुक्यातील साकेगाव येथील जिल्हा परिषद शाळेजवळ भरधाव डंपरने कारला धडक दिल्याची घटना घडली आहे. याप्रकरणी भुसावळ तालुका पोलीस ठाण्यात कारवरील अज्ञात चालकावर गुन्हा दाखल करण्यात आला आहे.
या संदर्भात अधिक माहिती अशी की, हाजी समशोद्दीन रफीओद्दीन शेख वय-७९, रा. अविष्कार कॉलनी, चाळीसगाव हे आपल्या कुटुंबासह वास्तव्याला आहे. गुरुवार १६ मे रोजी सायंकाळी ५ वाजता सुमारास ते भुसावळकडून जळगावमार्गे चाळीसगाव जात असताना साकेगाव येथील जिल्हा परिषद शाळेसमोर त्यांची कार क्रमांक (एमएच ४८ एस २४३) ने जात असताना समोरून येणारा डंपर क्रमांक (एमएच १२ पीक्यू ७५८७) ने त्यांच्या कारला जोरदार धडक दिली. या अपघातात कारचे मोठे नुकसान झाले आहे. पण सुदैवाने कोणतीही जीवित हानी झालेली नाही. दरम्यान याप्रकरणी रात्री १० वाजता भुसावळ तालुका पोलीस तक्रार देण्यात आली. त्यानुसार डंपरवरील अज्ञात चालकावर गुन्हा दाखल करण्यात आला आहे. पुढील तपास पोलीस हेडकॉन्स्टेबल संजय भोई हे करीत आहे.